Токмок шаарындагы үйлөрдүн биринен чыккан өрттөн  эки бала каза тапты

Токмок шаарындагы үйлөрдүн биринен чыккан өрттөн  эки бала каза тапты. Бул тууралуу ӨКМдин маалымат кызматынан билдиришти.

Кечээ, 21-август күнү күндүз Токмок шаарынын Ибраимов көчөсү №51 дарегинде чыккан өрттөн жалпы аянты 95 чарчы метр турак үйдүн эки бөлмөсү, үй тиричилик буюмдары күйгөн. Ошондой эле, үйдөгү 5 жана 3 жаштагы эки бала өрттөн каза тапкан.

«Жалындын тутанышына балдардын от менен ойношу себеп болгон», -деп билдирет ӨКМ.

Өрт өчүрүүчүлөр тилсиз жоону бир саат дегенде толук өчүрүшкөн.